Një avion i kompanisë zvicerane Edelweiss, i nisur nga Cyrihu në orën 18:00, u detyrua të devijojë fluturimin për shkak të motit të keq dhe stuhisë që përfshinë Shkupin. Piloti nuk mundi të kryente uljen në Aeroportin Ndërkombëtar të Shkupit dhe pas rreth 20 minutash qarkullimi mbi zonë, vendosi që avioni të ulej në Aeroportin Ndërkombëtar të Prishtinës si destinacion alternativ. Një pjesë e madhe e pasagjerëve në bord ishin shtetas të Maqedonisë së Veriut, të cilët do të mbërrijnë në Prishtinë në vend të Shkupit. Ende nuk dihet se kur do të jetë e mundur vazhdimi i udhëtimit drejt Shkupit, pasi kjo do të varet nga përmirësimi i kushteve atmosferike.