Sot në Maqedoninë e Veriut priten reshje të herëpashershme dhe vranësira, me stuhira lokale që sjellin shira të rrëmbyeshëm mbi 15 litra për metër katror, bubullima dhe erëra të forta deri në 40 km/orë, sidomos përgjatë lumit Vardar. Temperaturat do të luhaten nga 12 deri në 33 gradë, ndërsa në Shkup do të ketë reshje dhe vranësira të pjesshme me temperatura nga 19 deri në 26 gradë. Nesër pritet mot i ngjashëm me reshje të rrëmbyeshme dhe erëra të forta veriore, ndërsa temperaturat do të bien gradualisht. Pas kësaj periudhe, moti do të përmirësohet me diell dhe vranësira të ulëta deri mesatare, megjithëse kushte për reshje do të ketë edhe të martën dhe të enjten.