Gjermania u përball me një stuhi të fuqishme që solli breshër me kokrra deri në katër centimetra dhe një rënie të papritur të temperaturave nga 36 në 19 gradë. Rrugët u mbuluan me shtresa të dendura breshëri, duke krijuar një peizazh që ngjante më shumë me dimrin sesa me verën, ndërsa qytete si Heimbach dhe Schwarzenbach u goditën rëndë. Në Baden-Württemberg, stuhia shkaktoi dëme të mëdha me pemë të rrëzuara dhe rrugë të mbyllura, duke krijuar frikë për mundësinë e një tornade. Ngjarje tragjike u regjistruan edhe në Saksoni, ku një burrë humbi jetën nga një pemë që ra gjatë stuhisë, ndërsa tre persona të tjerë u plagosën rëndë.