Në Gjirokastër, periudha e temperaturave të larta ka sjellë një rritje të ndjeshme të rasteve me infarkte dhe goditje në tru, veçanërisht tek personat mbi 50 vjeç. Shefja e urgjencës, Jona Leka, thekson se shifrat e këtyre emergjencave janë pothuajse të barabarta dhe pacientët kanë marrë trajtim të menjëhershëm në spitalin rajonal “Omer Nishani”. Faktorët kryesorë që ndikojnë në këtë rritje janë stili i jetesës, trashëgimia, mungesa e kontrolleve shëndetësore rutinë dhe natyrisht temperaturat e larta të ambientit. Gjatë muajve qershor dhe korrik janë regjistruar 20 raste të tilla, ndërsa në spitale terciare trajtohen edhe shifra më të larta nga zona e Gjirokastrës.