Ministria e Infrastrukturës dhe Transportit ka njoftuar se edhe ditën e nesërme do të vazhdojë kufizimi i qarkullimit për kamionët me peshë mbi 20 tonë në autoudhë. Kufizimi do të jetë në fuqi nga ora 11:00 deri në 17:30, për shkak të parashikimit të temperaturave mbi 32°C. Në rrugët nacionale, rajonale dhe lidhëse, qarkullimi i këtyre automjeteve do të lejohet pa kufizime. Përjashtim nga ky kufizim bëjnë automjetet e organeve të rendit, shërbimeve emergjente dhe institucioneve shëndetësore, ndërsa ministria apelon për respektimin e masave dhe planifikimin e qarkullimit sipas orarit të përcaktuar.