Masat ajrore nga Afrika e Veriut, të pasuruara me lagështi nga Deti Mesdhe, po ndikojnë në motin e Shqipërisë, duke krijuar kushte relativisht të paqëndrueshme. Gjatë fundjavës, vendi do të përjetojë alternime mes kthjellimeve dhe vranësirave, me reshje shiu dhe rrebeshe kryesisht në zonat malore, ndërsa bregdeti do të jetë kryesisht pa reshje. Temperaturat pritet të arrijnë deri në 33-34°C në fundjavë dhe të rriten më tej në javën që vjen, duke prekur deri në 34-35°C, ndërkohë që era do të fryjë me shpejtësi mesatare, duke sjellë ndryshime lokale në mot. Sinoptikanët paralajmërojnë se moti do të mbetet i ngjashëm edhe në ditët në vijim, me kthjellime të shpeshta dhe reshje të izoluara në relievet malore.