Mëngjesin e sotëm është regjistruar një tërmet me magnitudë 3.8 të shkallës Rihter në Shqipëri, me epiqendrën në një zonë midis Lushnjës dhe Elbasanit. Lëkundjet janë ndjerë të forta dhe kanë shkaktuar shqetësim dhe panik tek banorët e zonës për disa sekonda. Megjithatë, deri tani nuk ka raportime për dëme materiale apo persona të lënduar. Autoritetet vijojnë monitorimin e situatës për të siguruar sigurinë e qytetarëve.