Një tërmet me magnitudë 3.9 Rihter u regjistrua mëngjesin e 8 shtatorit në orën 05:40, me epiqendrën në zonën Ohër-Strugë, rreth 135 km jugperëndim të Shkupit. Dridhjet u ndjenë kryesisht në pjesët jugperëndimore të Maqedonisë së Veriut, veçanërisht në Ohër dhe rrethinat e tij, me intensitet IV sipas Shkallës Evropiane të Makroseizmikës. Përveç Maqedonisë, tërmeti u ndje edhe në Shqipëri, duke shkaktuar shqetësim mes banorëve të zonave përreth. Autoritetet dhe observatorët sizmologjikë vazhdojnë të monitorojnë situatën për ndonjë zhvillim të mëtejshëm.