Sot në Maqedoninë e Veriut trafiku zhvillohet pa probleme dhe pa pritje të gjata në pikat kufitare, me rrugë të thata dhe intensitet të moderuar jashtë zonave urbane. LAMM apelon për kujdes në vozitje, veçanërisht në zonat me rrezik rrëshqitjesh dhe në rrugët më kritike si Katllanovë – Veles dhe Mavrovë – Dibër – Strugë. Në disa segmente rrugore po kryhen punime ndërtimi dhe riparimi, përfshirë autostradën A2 dhe urat mbi lumin Vardar, ku trafiku po menaxhohet me regjim të përkohshëm. Rruga Ohër – Resnjë mbetet e hapur për automjetet deri në 3.5 ton, ndërsa në unazën rrugore të Shkupit po rehabilitohet një pjesë e rrugës, duke kufizuar korsinë e majtë.