Komunikacioni në rrugët shtetërore të Maqedonisë po zhvillohet normalisht, pa pritje të gjata në vendkalimet kufitare për hyrje dhe dalje nga vendi. Intensiteti i trafikut është rritur jashtë zonave urbane, por nuk ka probleme të mëdha në lëvizje. LAMM rekomandon respektimin e shpejtësisë dhe sinjalistikës, duke theksuar kujdesin e veçantë në rrugët që kalojnë nëpër lugina, lumenj dhe gryka, ku rreziku i rrëshqitjeve të dheut është i pranishëm. Seksionet më të rrezikuara përfshijnë Katllanovë-Veles, Mavrovë-Dibër-Strugë, Vinicë-Berovë dhe Koçan-Dellçevë, ku shoferët duhet të jenë më të vëmendshëm.