Sot nuk do të ketë kufizime për qarkullimin e automjeteve të transportit të mallrave me masë totale mbi 20 tonë në autoudhët e Kosovës. Ky vendim është marrë pasi parashikimet zyrtare të temperaturave tregojnë se nuk plotësohen kushtet për kufizime të përkohshme, sipas vendimit të Ministrisë së Infrastrukturës dhe Transportit. Ministria njofton se situata meteorologjike do të monitorohet çdo ditë dhe çdo ndryshim që mund të ndikojë në qarkullim do t’u komunikohet me kohë qytetarëve dhe operatorëve ekonomikë. Kufizimet do të zbatohen vetëm në rastet kur kushtet e përcaktuara me vendimin përkatës të jenë të pranishme.