Banorët e Mavrovës janë njoftuar që përkohësisht të mos përdorin ujin e ujësjellësit për pije, për shkak të aktiviteteve parandaluese që po kryhen për pastrimin e rrjetit të ujësjellësit. Ndërhyrja po bëhet në segmentin nga fshati Mavrovë deri te posta në Mavrovi Anovi, me qëllim përmirësimin dhe mirëmbajtjen e sistemit të furnizimit me ujë. Gjatë kësaj periudhe, uji duhet përdorur vetëm për nevoja teknike, ndërsa pas përfundimit të punimeve do të kryhen kontrolle për të siguruar cilësinë e tij. Publiku do të njoftohet me kohë kur uji do të jetë përsëri i sigurt për konsum.