Që prej të mërkurës, një bërthamë ajri shumë e nxehtë po lëviz drejt lindjes së Evropës, duke përfshirë pjesën veriore të Ballkanit ku temperaturat mund të arrijnë deri në 42 gradë Celsius. Kosova nuk do të preket drejtpërdrejt nga kulmi ekstrem i nxehtësisë, megjithatë temperaturat në vend do të mbeten të larta, deri në 36 gradë. Kjo valë e nxehtësisë, që ka filluar që nga mesi i korrikut, pritet të zgjasë disa ditë ose javë dhe do të prekë vende të ndryshme si Kroacia, Serbia, Rumania, Bullgaria dhe Greqia. Ditët më të nxehta priten të enjten dhe të premten, ndërsa meteorologët paralajmërojnë për ndikime të rëndësishme në rajon për shkak të temperaturave të larta.