Sot në Maqedoninë e Veriut pritet mot me diell dhe temperatura të larta, që do të arrijnë deri në 38 gradë Celsius në Shkup. Temperaturat minimale do të variojnë nga 12 gradë në Berovë deri në 19 gradë në Gjevgjeli, ndërsa në pjesë të ndryshme të vendit do të mbajë erë e dobët deri mesatare nga veriu dhe më pas nga lindja. Në Shkup do të ketë vranësira të pakta deri mesatare, por moti do të mbetet kryesisht i nxehtë dhe stabil. Në ditët në vijim pritet që moti të vazhdojë të jetë i ngrohtë dhe me kushte të qëndrueshme atmosferike.