Shqipëria po përjeton një periudhë të gjatë me temperatura të larta, që sapo ka nisur dhe pritet të zgjasë për 10 ditë rresht. Meteorologia Tanja Porja njofton se dita e parë solli një rritje të menjëhershme të temperaturave, duke arritur deri në 38 gradë Celsius, ndërsa reshjet janë thuajse të pamundura gjatë kësaj periudhe. Vala e të nxehtit do të forcohet gradualisht, me parashikime që temperaturat të arrijnë deri në 40 gradë Celsius gjatë mesjavës. Era do të fryjë me shpejtësi mesatare nga veriperëndimi, ndërsa vranësirat do të jenë të pakta dhe kryesisht në veri dhe zonat lindore gjatë pasdites.