Franca po përballet me një valë të nxehti që ka shkaktuar së paku shtatë vdekje, përfshirë pesë mbytje, sipas autoriteteve qeveritare. Viktimat humbën jetën në situata të ndryshme, përfshirë aktivitete sportive në Paris dhe pranë Lionit, si dhe në bregdetin e Atlantikut ku dy persona u rrëmbyen nga rrymat e detit. Tetë departamente në perëndim të Francës janë vënë nën paralajmërim portokalli për valën e të nxehtit, që pritet të intensifikohet në ditët në vijim. Kjo situatë po ndikon në mënyrë të dukshme në rutinat e zonave turistike dhe bregdetare, ku plazhet janë të mbushura, por mungon mbikëqyrja e nevojshme për sigurinë e pushuesve.