Zvicra po përballet me një valë të nxehti shumë intensive, ku temperaturat në disa zona kanë arritur deri në 38°C, duke rritur rrezikun për shëndetin e popullatës. Autoritetet meteorologjike kanë ngritur nivelin e paralajmërimit në shkallën 4, ndërsa mjekët paralajmërojnë për rreziqet e dehidrimit, goditjes nga të nxehtit dhe komplikimeve serioze, sidomos për grupet vulnerabël si të moshuarit, fëmijët dhe gratë shtatzëna. Qytetarëve u rekomandohet të shmangin qëndrimin në diell gjatë orëve më të nxehta të ditës, aktivitetet fizike intensive, si dhe konsumimin e alkoolit dhe pijeve me sheqer ose kafeinë. Për të mbrojtur shëndetin, duhet të pini ujë rregullisht, të vishni rroba të lehta dhe të freskoni ambientet e banimit, duke ndjekur me kujdes udhëzimet e autoriteteve gjatë kësaj periudhe të nxehtë.