Për shkak të valës së të nxehtit që ka përfshirë vendin, numri i zjarreve në hapësira të hapura është rritur ndjeshëm. Qendra për Menaxhim me Kriza raportoi se deri në orën 13:00 të së dielës janë regjistruar 13 zjarre, prej të cilave pesë mbeten ende aktive në disa komuna si Gazi Baba, Studeniçan, Strugë dhe Çeshinovë. Ekipet zjarrfikëse kanë vënë nën kontroll dy zjarre dhe kanë shuar plotësisht gjashtë të tjera në zona të ndryshme të vendit. Për shkak të rrezikut të shtuar, Qeveria ka shpallur gjendje krize për 30 ditë duke filluar nga 1 gushti 2026, me qëllim koordinimin dhe mobilizimin e institucioneve për të mbrojtur qytetarët dhe burimet natyrore. Autoritetet bëjnë apel për kujdes maksimal dhe raportim të menjëhershëm të çdo vatre zjarri.