Ministria e Infrastrukturës dhe Transportit ka njoftuar se për shkak të temperaturave të larta që pritet të arrijnë ose tejkalojnë 32°C, do të vendosen kufizime të përkohshme në autoudhë për kamionët me peshë mbi 20 tonë. Kufizimi do të jetë në fuqi të dielën nga ora 11:00 deri në 17:30, duke ndaluar qarkullimin e këtyre automjeteve në autoudhë gjatë orarit të përcaktuar. Rrugët nacionale, rajonale dhe lidhëse nuk do të preken nga këto masa, dhe automjetet e Policisë, shërbimeve emergjente dhe institucioneve shëndetësore përjashtohen nga kufizimi. Ministria ka bërë thirrje që operatorët dhe drejtuesit e kamionëve të planifikojnë udhëtimet në përputhje me kufizimet për të shmangur shqetësimet gjatë ditës me vapë të lartë.