Meteorologët paralajmërojnë se viti 2027 do të jetë më i nxehtë për shkak të fenomenit El Nino, i cili do të rrisë temperaturat mesatare globale dhe do të shkaktojë thatësira në disa zona, përfshirë edhe Shqipërinë. Instituti i Gjeoshkencave, Energjisë, Ujit dhe Mjedisit (IGJEUM) nënvizon se efektet e këtij fenomeni janë të ndjeshme edhe në vendin tonë, ku verat po karakterizohen nga temperatura të larta dhe periudha të zgjatura të thata. Ekspertët parashikojnë një korrik të nxehtë dhe të thatë, duke rritur rrezikun e zjarreve në pyje, ndaj bëhet apel për kujdes të shtuar nga qytetarët dhe autoritetet. Ndërkohë, vala e të nxehtit që ka përfshirë Europën ka sjellë edhe netë tropikale në Shqipëri, por pritet një rënie e lehtë e temperaturave drejt fundjavës, që do të sjellë freskim në pjesën më të madhe të territorit.