Ministria e Bujqësisë, Pylltarisë dhe Ekonomisë të Ujërave ka vendosur të vazhdojë ndalimin e plotë të lëvizjes në pyjet dhe tokat pyjore të Maqedonisë deri më 30 shtator, për shkak të rrezikut të shtuar nga zjarret pyjore. Ky ndalim vlen gjatë gjithë ditës dhe përfshin territorin e menaxhuar nga Ndërmarrja Publike Pyjet Kombëtare, me përjashtim të disa institucioneve dhe personave me leje të posaçme. Lëvizja në pyje do të lejohet vetëm me leje të shkruar nga degët e NP Pyjet Kombëtare, ndërsa zbatimi i ndalimit do të monitorohet nga Policia Pyjore, Inspektorati Shtetëror dhe autoritetet e tjera të përfshira. Qytetarët që duan të lëvizin në pyjet e parqeve dhe parqet kombëtare duhet të marrin informacion nga menaxherët e këtyre zonave për rregullat e veçanta.