Malet përreth Prishtinës janë përfshirë nga zjarre të shkaktuara nga temperaturat e larta dhe kushtet e thata, duke rrezikuar pyjet, kafshët, pronat dhe jetën e qytetarëve. Komuna e Prishtinës ka bërë apel urgjent për qytetarët që të mos ndezin zjarre në natyrë, të mos djegin mbeturina dhe të mos hedhin cigare të ndezura, duke theksuar se një pakujdesi e vetme mund të shkaktojë një katastrofë të madhe. Ajo ka falënderuar zjarrfikësit dhe ekipet e emergjencës për angazhimin në përballimin e situatës dhe ka kërkuar që në rast të vërejtjes së tymit apo zjarrit, qytetarët të largohen nga zona e rrezikut dhe të njoftojnë menjëherë numrin 193. Komuna thekson se mbrojtja e natyrës dhe jetës është përgjegjësi e përbashkët dhe bën thirrje për kujdes maksimal gjatë periudhës së nxehtë.