Zvicra ka regjistruar temperaturën më të lartë të matur ndonjëherë gjatë muajit qershor, me termometrin që arriti në 38 gradë Celsius në Bazel, duke thyer rekordin e mëparshëm prej 36.9 gradësh të vitit 1947. Ky është momenti i parë në historinë meteorologjike të vendit ku temperaturat kalojnë 37 gradë gjatë qershorit, sipas MeteoSwiss. Për shkak të valës ekstreme të të nxehtit, niveli më i lartë i alarmit për vapë mbetet në fuqi në pjesën më të madhe të Zvicrës. Meteorologët këshillojnë qytetarët të shmangin ekspozimin e gjatë në diell, të rrisin konsumimin e lëngjeve dhe të tregojnë kujdes të veçantë ndaj grupeve vulnerabël si fëmijët, të moshuarit dhe personat me probleme shëndetësore.