Drejtori i Agjencisë Kundër Korrupsionit, Yll Buleshkaj, njoftoi se deri më 10 mars rreth 10 për qind e zyrtarëve publikë kanë kryer deklarimin e pasurisë për vitin 2025. Në total, pritet që mbi 10 mijë zyrtarë të plotësojnë këtë obligim brenda afatit që përfundon më 31 mars. Buleshkaj theksoi se ky numër nuk është i keq duke e krahasuar me vitet e kaluara, pasi zakonisht vlugu kryesor ndodh pas 15 ditëve të para të periudhës së deklarimit. Ai gjithashtu përmendi sfidat e hasura për shkak të një sistemi të ri elektronik, i cili ka ndryshuar pamjen dhe funksionimin, duke ngadalësuar pak procesin e deklarimit.