Shërbimi Korrektues i Kosovës është përforcuar me 100 kadetë të rinj korrektues dhe gardianë, njoftoi ministrja e Drejtësisë, Donika Gërvalla. Këta kadetë do të ndjekin një trajnim gjashtëmujor në Akademinë e Kosovës për Siguri Publike, për t’u pajisur me njohuritë dhe aftësitë e nevojshme për të përballuar sfidat e profesionit. Ministrja theksoi rëndësinë e këtij shërbimi si një hallkë kyçe e sistemit të drejtësisë, që garanton zbatimin e ligjit dhe trajtimin me dinjitet të personave të privuar nga liria. Republika e Kosovës vazhdon të përmirësojë institucionet korrektuese, duke marrë vlerësime pozitive nga Këshilli i Evropës dhe mekanizma të tjerë ndërkombëtarë.