Ish-presidentja Vjosa Osmani ka përkujtuar 12 Qershorin si një nga datat më të rëndësishme në historinë e Kosovës, duke e cilësuar si ditën kur dhimbja e luftës u zëvendësua me shpresë dhe liri. Ajo ka kujtuar hyrjen e forcave të NATO-s në Kosovë, që sollën dritë në errësirën e gjatë të popullit, si dhe sakrificën e dëshmorëve dhe martirëve të UÇK-së, të prirë nga Adem Jashari. Osmani ka shprehur mirënjohje për familjet që sakrifikuan gjithçka dhe për mbijetuarit që bartën plagët e luftës, duke theksuar se kjo ditë simbolizon fillimin e frymëmarrjes së lirë të Kosovës. Në mesazhin e saj, ajo ka vlerësuar gjithashtu rolin e ish-presidentit Ibrahim Rugova në ndërtimin e aleancave ndërkombëtare dhe ka theksuar se mirënjohja për aleatët e lirisë do të mbetet e përjetshme, duke nënvizuar se Kosova do të vazhdojë të ecë përpara si një shtet i lirë, sovran dhe i përjetshëm.