Kryeministri në detyrë, Albin Kurti, ka përkujtuar 16-vjetorin e opinionit këshillues të Gjykatës Ndërkombëtare të Drejtësisë (GJND) për shpalljen e pavarësisë së Kosovës, duke e cilësuar këtë moment si një nga më të rëndësishmit në historinë e shtetit. Vendimi i GJND-së konfirmoi se shpallja e pavarësisë së Kosovës nuk ishte në kundërshtim me të drejtën ndërkombëtare dhe i dha fund pretendimeve juridike kundër shtetësisë së saj, duke forcuar kështu subjektivitetin ndërkombëtar të Kosovës. Kurti theksoi se ky opinion riafirmoi një parim universale që e drejta ndërkombëtare nuk duhet të ruajë padrejtësinë, por të krijojë hapësirë për paqe, liri dhe vetëvendosje demokratike brenda rendit juridik ndërkombëtar. Ai gjithashtu nënvizoi se mbrojtja më e mirë e kësaj trashëgimie është përditshmëria me institucione demokratike, sundim të ligjit dhe zhvillim, duke theksuar rolin e profesor Hisashi Owada, kryetarit të atëhershëm të Gjykatës, i cili kontribuoi në këtë vendim dhe u nderua me titullin “Doctor Honoris Causa” nga Universiteti i Prishtinës.