Sot në kazermën “Lidhja e Prizrenit” u zhvillua ceremonia e përfundimit të kursit “Pastrimi i fushëbetejave dhe çminim bazik”, ku u certifikuan 17 specialistë të rinj të çminimit që tani i bashkohen Kompanisë së Deminimit të Forcës së Sigurisë së Kosovës. Trajnimi, i cili zgjati gjashtë javë, përfshiu përgatitjen profesionale në përdorimin e pajisjeve të specializuara dhe në zbatimin e procedurave bazë të punës në procesin e çminimit.