Më 15 qershor 2008, vetëm katër muaj pas shpalljes së pavarësisë, në Kosovë hyri në fuqi Kushtetuta e re që e përcakton vendin si shtet të pavarur, sovran, demokratik dhe unik. Ky dokument themelor e vendos Kosovën si një republikë laikë dhe shoqëri shumetnike, duke përfshirë shqiptarët dhe komunitetet tjera. Hyrja në fuqi e Kushtetutës shënoi fillimin e një periudhe të re politike dhe zbatimin e planit të ish-kryenegociatorit të OKB-së, Martti Ahtisaari. Në vetëm 120 ditë pas pavarësisë, institucionet e Kosovës arritën të miratojnë 40 ligje të propozuara nga Pakoja e Ahtisarit, duke konsoliduar kështu themelet e shtetit të ri.