Kryetari i Komunës së Deçanit, Bashkim Ramosaj, ka bërë homazhe në Gllogjan me rastin e 28-vjetorit të “Epopesë së Dukagjinit”, duke kujtuar fillimin e luftës për çlirimin e Kosovës në Zonën e Dukagjinit më 24 mars 1998. Ai ka nderuar veprën dhe sakrificën e tre dëshmorëve të parë të kësaj dite historike, Gazmend Mehmetaj, Agron Mehmetaj dhe Himë Haradinaj, duke theksuar rëndësinë e kësaj date si ditë e Ushtrisë Çlirimtare të Kosovës dhe e familjes Haradinaj. Ramosaj ka shprehur mirënjohje të thellë për aleatët, veçanërisht NATO-n dhe Shtetet e Bashkuara të Amerikës, për mbështetjen e tyre në luftën për liri. Ai ka përkujtuar se kujtimi i dëshmorëve është një nderim për atdheun dhe sakrificën e madhe që ka mundësuar lirinë që sot gëzohet nga populli.