Në nder të 27-vjetorit të çlirimit të Kosovës, Qeveria në detyrë dhe Presidenca organizuan një seri aktivitetesh përkujtimore dhe kulturore gjatë ditës së sotme. Dita nisi me homazhe në Kompleksin Memorial të Adem Jasharit në Prekaz, ndërsa më pas në Prishtinë u zhvilluan homazhe te varri i ish-presidentit Ibrahim Rugova, veprimtarit Adem Demaçi, varrezat e dëshmorëve dhe Monumenti i Heroit Zahir Pajaziti. Në orën 16:00 u hap në Bibliotekën Kombëtare “Pjetër Bogdani” ekspozita fotografike “KFOR and Kosova 25+”, që sjell momente nga angazhimi i KFOR-it në Kosovë ndër vite. Përmbyllja e aktiviteteve u shënua me koncertin festiv “Liria na bashkon” në Shtëpinë e Kulturës Asim Vokshi, duke bashkuar qytetarë dhe artistë në përkujtimin e kësaj date të rëndësishme.