Më 29 gusht, Hani i Elezit shënon Ditën e Dëshmorëve, një përkujtim i veçantë për ata që dhanë jetën në luftërat çlirimtare dhe përballë dhunës së ushtruar ndaj shqiptarëve të kësaj ane. Kjo datë lidhet ngushtë me rivarrimin e ushtarëve në Puset e Nikës, ngjarje që ndodhi 27 vjet më parë dhe që shënoi fillimin e shënimit zyrtar të kësaj dite në kalendarin lokal. Komuna kujton me respekt tetë dëshmorët e Ushtrisë Çlirimtare të Kosovës dhe shtatë të tjerë që ranë në fronte të ndryshme, si dhe dhjetëra viktima të dhunës serbe dhe maqedonase. Sakrifica e tyre është vlerësuar edhe nga institucionet e Kosovës, ku ish-presidenti Hashim Thaçi i dekoroi me Urdhrin “Hero i Kosovës”, duke theksuar se dëshmorët nuk harrohen dhe kujtimi i tyre mbetet i gjallë në zemrat e qytetarëve.