Më 1 dhe 2 prill 1981 në Prishtinë u zhvillua demonstrata më e madhe politike nga rinia e asaj kohe, pas një serie demonstratash të mëparshme më 11 dhe 26 mars. Këto protesta shënuan fillimin e shkatërrimit të Federatës Jugosllave dhe u karakterizuan nga kërkesa për Kosovën Republikë, liri, barazi, drejtësi, bashkim dhe lirimin e të burgosurve politikë. Solidarizimi i popullit shqiptar në Kosovë dhe më gjerë bëri që demonstratat të përhapen edhe në qytete të tjera të Kosovës, duke përfshirë për herë të parë edhe klasën punëtore së bashku me studentët. Këto ngjarje konsiderohen si një frymë nacionaliste që kontribuoi në krijimin e shteteve të pavarura kombëtare në rajon.