Ilir Kulla, drejtori i Global Crisis Group, ka theksuar se garancitë ndërkombëtare nuk janë të mjaftueshme nëse një shtet nuk ka kapacitete mbrojtëse të forta. Ai ka sugjeruar që Kosova duhet të investojë më shumë në ushtri dhe të marrë mësim nga përvoja e Ukrainës, e cila, pas heqjes dorë nga armët bërthamore dhe mbështetjes vetëm në garanci ndërkombëtare, u sulmua dhe u pushtua. Kulla nuk parashikon një konflikt të ri në Kosovë, duke argumentuar se Serbia nuk ka interes të përballet drejtpërdrejt me Perëndimin dhe se orientimi gjeopolitik i Kosovës është i qartë në kampin perëndimor. Megjithatë, ai nuk përjashton mundësinë që Serbia mund të tentojë, por vlerëson se gjasat janë të vogla për një përplasje të re në rajon.