Deputeti i Lidhjes Demokratike të Kosovës, Ermal Sadiku, ka deklaruar se kryeministri në detyrë Albin Kurti ka për qëllim që ta dërgojë vendin në një palë të re zgjedhjesh. Sadiku shpjegon se Kurti përfiton nga pozita e tij si kryeministër në detyrë, pasi nuk ka kontroll parlamentar dhe mund të qëndrojë në këtë pozitë pa përgjegjësi të menjëhershme. Ai thekson se në zgjedhjet e fundit Vetëvendosje ka humbur mbi 100 mijë vota, por Kurti ka krijuar një mbështetje të fortë në diasporë përmes dezinformatave. Sipas Sadikut, Kurti do të zgjedhë momentin më të përshtatshëm për të shpallur zgjedhjet, duke u siguruar që të mbetet në pushtet edhe pa kontroll parlamentar.