Kërkesa për masë të përkohshme lidhur me procesin e konstituimit të Kuvendit është dorëzuar në Gjykatën Kushtetuese, duke hapur rrugën për një vendim që mund të zgjidhë bllokadën institucionale në vend. Eksperti i çështjeve juridike nga Instituti i Kosovës për Drejtësi, Gzim Shala, thekson se tejkalimi i afateve kushtetuese përbën shkelje dhe është i papranueshëm. Ai shton se deri më tani Gjykata Kushtetuese nuk ka përcaktuar pasojat juridike të këtyre shkeljeve, por tani ka mundësinë të vendosë për to. Vendimi i Gjykatës pritet të jetë kyç për të përcaktuar nëse dhe si do të ndikojë tejkalimi i afateve në procesin politik dhe ligjor në Kosovë.