Dënimi i ish-ministrit Pal Lekaj me 3 vjet e 8 muaj burgim për rastin e njohur si “53-milionëshi” rikthen në fokus një prej çështjeve më të mëdha të administrimit të parasë publike në Kosovë. Pagesa prej 53.1 milionë eurosh për konsorciumin “Bechtel & Enka” për zgjatjen e afatit të punimeve në autostradën Prishtinë–Hani i Elezit u miratua nga Qeveria, megjithëse kompania mbikëqyrëse kishte vlerësuar një shumë shumë më të ulët, duke shkaktuar dëm të konsiderueshëm për buxhetin e shtetit.