Deputetja Eliza Hoxha nga PDK-ja ka theksuar se zgjidhja për krizën e institucioneve mund të gjendet nëse kryeministri në detyrë, Albin Kurti, tregon vullnet politik. Ajo ka kujtuar se Kurti e mbështeti Vjosa Osmanin për presidente në të kaluarën, duke e vendosur atë në krye të listës kur vetë nuk mund të kandidonte. Hoxha ka bërë thirrje për një debat të hapur mbi mënyrën e krijimit të institucioneve, duke theksuar se nëse ka dëshirë, zgjidhja është e mundur edhe sot. Sipas saj, historia tregon se kur ka pasur interes politik, Kurti ka vepruar për të krijuar institucione funksionale.