Kosova po përballet me një dilemë të rëndësishme lidhur me bashkëpunimin në projektet e gazit amerikan të lëngshëm natyror, të cilat janë promovuar fuqishëm nga Shtetet e Bashkuara. Ekspertët paralajmërojnë se mosangazhimi në këto iniciativa mund ta izolojë Kosovën energjetikisht dhe ekonomikisht, duke e bërë atë më të varur nga burimet e vjetruara të energjisë dhe importet me çmime të larta. Përveç ndikimeve në sektorin energjetik, refuzimi mund të dëmtojë marrëdhëniet strategjike me SHBA-në dhe mund të kufizojë mundësitë për investime të huaja dhe integrim rajonal. Qeveria në detyrë nuk ka dhënë ende një përgjigje të qartë, ndërsa ekspertët theksojnë rëndësinë e këtij projekti si një hap kyç drejt stabilitetit energjetik dhe zhvillimit ekonomik të Kosovës.