Në 26-vjetorin e themelimit të Aleancës për Ardhmërinë e Kosovës, anëtari i kryesisë Ahmet Isufi ka rikujtuar arsyet e krijimit të kësaj partie politike. Ai theksoi se AAK u formua në vitin 2000 për të balancuar dy polet kryesore politike të kohës: Partinë Demokratike të Kosovës, që mbështetej në vlerat e Ushtrisë Çlirimtare të Kosovës, dhe Lidhjen Demokratike të Kosovës, e cila promovonte procesin paqësor. Sipas Isufit, qëllimi kryesor i AAK-së ishte të rritet niveli i demokracisë dhe të japë një kuptim të ri çlirimit të Kosovës duke u pozicionuar në mes të këtyre dy forcave. Ai deklaroi se Aleanca ka arritur qëllimin e saj në formësimin e shtetit dhe ka kontribuar në zhvillimin politik të vendit.