Deputetja e AAK-së, Time Kadrijaj, ka deklaruar se Aleanca për Ardhmërinë e Kosovës nuk është e interesuar të hyjë në partneritet me Lëvizjen Vetëvendosje për formimin e Qeverisë, përderisa nuk plotësohen gjashtë kërkesat e tyre kyçe. AAK-ja kërkon ndër të tjera pranimin e projektit të gazit amerikan, fillimin e ndërtimit të termocentralit me thëngjill, ngritjen e pragut të TVSH-së për bizneset e vogla, lirimin nga tatimi i tokës së punuar, financimin e projekteve rrugore dhe ndarjen e investimeve kapitale për Prishtinën.