Aleanca për Ardhmërinë e Kosovës (AAK) do të mbajë sot në orën 16:00 mbledhjen e Këshillit të Përgjithshëm për të diskutuar zhvillimet aktuale politike në vend dhe qëndrimet e partisë lidhur me situatën e krijuar pas vendimit të Gjykatës Kushtetuese. Në këtë mbledhje do të shqyrtohen pasojat e aktgjykimit që i jep Kuvendit 34 ditë kohë për zgjedhjen e presidentit të ri, përndryshe vendi do të shkojë në zgjedhje të parakohshme. Pas përfundimit të mbledhjes, AAK do të informojë publikun për vendimet dhe qëndrimet e dalura nga diskutimet. Përveç AAK-së, edhe Partia Demokratike e Kosovës (PDK) po mban mbledhje të kryesisë për të vendosur qëndrimet e tyre në këtë situatë politike.