Shefi i Grupit Parlamentar të AAK-së, Besnik Tahiri, ka njoftuar se partia e tij nuk do të marrë pjesë në takimet për presidentin në formatin “një me një” që po mbahen nga Kryeministri Albin Kurti me liderët e tjerë. Tahiri theksoi se për zgjedhjen e presidentit nevojitet një marrëveshje me të paktën 80 vota, gjë që sipas tij nuk është arritur për shkak të dëshirës së Kryeministrit për të vendosur dy kandidatë nga partia e tij. Ai propozoi organizimin e një tryeze ku do të diskutohej për profilin, kriteret dhe potencialin e presidentit, duke kritikuar mungesën e konsultimeve të tilla dhe duke e cilësuar procesin aktual si një spektakël publik me qëllime politike.