Kryetari i Lidhjes Demokratike të Kosovës, Lumir Abdixhiku, ka zhvilluar një takim me shefen në detyrë të Bashkimit Evropian në Kosovë, Eva Palatova, ku diskutuan për zhvillimet politike dhe situatën institucionale në vend. Abdixhiku theksoi se, pavarësisht përpjekjeve dhe qëndrimeve të LDK-së për mbrojtjen e parimeve demokratike, proceset negociuese nuk kanë sjellë rezultate konkrete. Ai nënvizoi nevojën urgjente për stabilitet institucional, përgjegjësi politike dhe ndërtimin e një alternative të qëndrueshme që do t’i përgjigjet pritjeve të qytetarëve për zhvillim dhe mirëqenie. Gjithashtu, Abdixhiku shprehu mirënjohje për mbështetjen e vazhdueshme të Bashkimit Evropian, duke vlerësuar rolin e tij në forcimin e demokracisë dhe avancimin e agjendës evropiane të Kosovës.