Analisti politik Arton Muhaxheri ka komentuar nënshkrimet e LDK-së për kandidaturën e Vjosa Osmanit për presidente, duke theksuar se me këtë veprim, kryetari i LDK-së, Lumir Abdixhiku, ia ka “kallur lojën” Vetëvendosjes. Ai shpjegoi se me 15 nënshkrimet e siguruara nga deputetët e LDK-së, Abdixhiku ka krijuar një situatë të re politike që mund të çojë në zgjedhjen e presidentes së ardhshme. Muhaxheri theksoi se nëse Vetëvendosja ka vullnet, Kosova mund të ketë presidenten e re shumë shpejt, madje edhe Vjosa Osmani, e cila nuk është më kandidate partiake, ndryshe nga në vitin 2021. Sipas tij, tani vendimi është në dorën e Vetëvendosjes, që të vendosë nëse do ta mbështesë kandidaturën e Osmanit për presidente apo jo.