Kryetari i Lidhjes Demokratike të Kosovës, Lumir Abdixhiku, nuk iu bashkua protestës së opozitës në Kuvendin e Kosovës kundër moskonstituimit të tij, ku nga LDK-ja mori pjesë vetëm deputeti Armend Zemaj. Abdixhiku ka dërguar një mesazh anëtarëve të grupit parlamentar, duke i ftuar në një takim të përbashkët në selinë e partisë, ku kërkon që diskutimet dhe qëndrimet politike të mbahen brenda organeve të LDK-së. Ai thekson rëndësinë që partia të ketë një qëndrim të përbashkët dhe të flasë me një zë në këtë situatë politike të rëndësishme për vendin. Takimi i paralajmëruar do të shërbejë për diskutime të hapura dhe përcaktimin e hapat e mëtejshëm të partisë.