Nënkryetari i PDK-së, Uran Ismaili, ka denoncuar abuzime të mëdha në Ministrinë e Shëndetësisë, duke përmendur tenderë të dyshimtë dhe favorizim kompanish të lidhura me pushtetin. Ai thekson se tenderët përgatiten paraprakisht për kompani të caktuara, ku kriteret ngushtohen për t’iu përshtatur atyre, ndërsa pajisjet shiten me çmime shumë më të larta se ato reale. Një karrocë elektrike, për shembull, është blerë për 726 euro dhe i është shitur shtetit për 3 mijë euro, ndërkohë që pacientët vuajnë mungesën e barnave, përfshirë edhe ato të kancerit. Ismaili kërkon ndryshim dhe thotë se më 7 qershor duhet të marrë fund kjo situatë, duke propozuar PDK-në dhe Bedri Hamzën si alternativë për të rikthyer shëndetësinë në shërbim të pacientëve.