Aeroporti i Mynihut ka përmirësuar një gabim të rëndësishëm në reklamën e tij të fluturimeve, ku Republika e Kosovës ishte paraqitur gabimisht si pjesë e Serbisë. Ky korrigjim erdhi pas reagimit të fuqishëm të qytetarëve dhe angazhimit të vazhdueshëm diplomatik nga Ambasada e Kosovës në Gjermani. Ambasadori Faruk Ajeti e ka cilësuar këtë sukses si një shembull të qartë se reagimi qytetar dhe diplomacia aktive sjellin rezultate konkrete. Ai gjithashtu bëri thirrje që çdo pasaktësi e ngjashme në institucione apo kompani gjermane të raportohet pranë ambasadës për t’u adresuar dhe korrigjuar.