Nëse deri më 4 tetor nuk zgjidhet presidenti i ri i Kosovës, vendi mund të përballet me një situatë të paqartë kushtetuese dhe institucionale. Kushtetuta e Kosovës, përmes nenit 90, përcakton që kryetari i Kuvendit mund të ushtrojë detyrën e presidentit vetëm për një periudhë prej gjashtë muajsh nga momenti që posti i presidentit mbetet vakant. Afati gjashtëmujor për ushtrimin e kësaj detyre nga kryetari i Kuvendit përfundon më 4 tetor, dhe nëse deri atëherë nuk zgjidhet presidenti i ri, do të kërkohet interpretim nga Gjykata Kushtetuese, por mbetet e paqartë se kush do ta dërgojë këtë çështje për interpretim.