Ministria e Arsimit ka bërë thirrje të fundit për prindërit dhe kujdestarët ligjorë që të aplikojnë për subvencionimin e teksteve mësimore dhe materialeve shkollore, pasi afati përfundon sot. Ky afat ishte shtyrë nga data fillestare 9 gusht për shkak të interesimit të madh dhe kërkesave të prindërve që nuk kishin arritur të aplikonin në kohë. Drejtorja e Departamentit për Arsim Parauniversitar, Anita Kadriu, njoftoi se deri tani kanë aplikuar rreth 179 mijë prindër përmes platformës eKosova. Ministria thekson rëndësinë e shfrytëzimit të kësaj mundësie para mbylljes së aplikimeve, duke dhënë kështu një shans të fundit për familjet që ende nuk e kanë bërë këtë.